Көмегің көпке үлгі
Арал өңіріндегі биылғы жылғы қуаңшылық әсіресе ауылдағы ел-жұрттың көңілінде үлкен алаңдаушылық тудырып отырғаны шындық. Табиғаттың өзіндік айналымына байланысты қайта соғып отыратын жайлар тұрмыс-тіршілігімізге ауырлық туғызып, малды ауылдарды қиыншылыққа ұрындыра бастағанда, елдіктің көрінісіндей боп түрлі тараптардан көмектер беріле бастауы халықтың үміт отын жаққандай болып отыр. Міне, кеше ғана ел ардақтысы Болат Өтемұратов қорынан 200 миллион теңге қаржының аударылуы жерлестерімізді қуантып тастады. Бұл жақсы, игілікті бастаманың әрі қарай жалғасын таба беретініне сенімдіміз. Осы бір табиғаттың тосын құбылуынан болған қуаңшылық зардаптарын көп болып еңсеріп, төрт түлік малды аман алып қаламыз деп сенім білдіреміз. Мал-жанымыз аман болып, жақсы күндеріміз жалғасын таба берсін!
Ерғали АБДУЛЛА,
Қазақстан Жазушылар одағының мүшесі,
