Бәрі де уақытша
Биылғы жыл елімізге оңай соққан жоқ. Қыста жауын-шашынның аз мөлшерде жауып, жаздың ыстық болуы аудан аумағына қуаңшылық әкелді. Оған қоса дария суы да бұрынғы деңгейін бірнеше есеге жоғалтты. Соның салдарынан кіші көлдер мен каналдаға су жетпей арнасы кеуіп қалды. Су- тіршілік көзі. Әсіресе егіншілік пен мал шарушалығын кәсіп еткен халықтың бүгінгі жәйі тіпті қиын. Қуаңшылықтың салдарынан мал түзден қылтық шөп таппай, су ішуге барып тартылған көлдің батпақты табанынан шыға алмай жаппай қырыла бастады. Жаз басында шараулар шырылдап өздерінің халін тиісті орындарға жолдады. Әрине елдегі осы ахуал ешкімді бей- жай қалдырған жоқ. Аралдағы шаруалардың жағдайына алаңдаушылық білдірген сала басшылары тиісті шара қабылдап, мәселені оң шешуге атсалысты. Аудан аумағында төтенше жағдай жарияланып шаруалардың шығындары өтелуде. Көп түкірсе көл демекші көршілес аудандар да аралдықтардың қиындығын біргі көтерісіп, жем-шөп жеткізуде. Әрине, қазір бәрі тамаша деп айта алмаймыз. Бірақ күрделенген мәселенің шешілу жолдар өз нәтижесін беруде.
Бұл да табиғи заңдылық. Тіршілік бар жерде қиындық та, қуаңшылық та, молшылық пен дарханшылық та болады. Тек ештеңе мәңгі емес. Сондықтан ел басына келген бұл қиындықтар да уақытша деп ойлаймын. Осылай елдің ауызбіршілігі болатын болса, қиындықтарды оңай еңсеретін боламыз.
Нұралы ОСПАНОВ,
аудандық қоғамдық келісім кеңесінің төрағасы
