ТАБАНДЫ ЖҰМЫСҚА АЛҒЫС АЙТАМЫЗ
Көктем шыққалы бері ауа райы тосын мінез танытып бірде жылып, бірде нөсерлеткенімен қоймай оқтын – оқтын қар да жауып жатыр. Мұның бәрі біздің тұрмысымызға кері әсерін тигізуде. Әсіресе, өткен аптада толассыз жауған жауынның салдарынан ауданда кейбір тұрғын үйлер мен көшелерді су алу қаупі жиілеп кетті.Осы жағдайдың алдын-алу мақсатында аудандағы тиісті сала мамандары айтарлықтай елеулі іс жасады. Қажетті техниканың аздығына қарамастан жекеменшік көліктерді де жұмылдырып, қаланы қызыл судан тазалау жұмыстарын қарқынды жүргізді. Қатынасты қамтамасыз етіп отырған көшелерден бөлек тұрғындар өтінішімен жеке үйлердің ауласы да арнайы техникамен тазартылды. Осыған байланысты аудан тұрғындары өз пікірлерін білдірген болатын:Мая Ыршынбетова 2-топтағы мүгедек
-Мен Арал қаласындағы Қазыбек би көшесі №49 үйдең тұрғынымын. Өткен аптада мөлшерден тыс жауған жауын салдарынан есік алдын су басып қалды. Бұл мен сияқты мүмкіндігі шектеулі адамдардың үйге кіріп-шығуын тіпті қиындатып жіберді. Суды тазалауға қол күшінің жеткіліксіз екендігін аңғарған соң, Арал қаласы әкімдігіне барып арнайы техниканың көмегімен тазалап беруге өтініш білдірдім. Менің өтінішім елеусіз қалмай, ауламды тазалауға қажетті техника жұмылдырылды. Дер кезінде жасалған жұмыстардың нәтижесінде шарбақ іші топан судан оңай арылды. Қарап отырсақ қызметкерлер күндіз-түн демей демалыс, мереке күндері де көшедегі суларды тазартып, жұмыла жұмыс жасады. Елден естуіміз бойынша жетіспеген техникаларды жекелерге өтініш айту арқылы шешкен көрінеді. Осындай табанды тірлігі үшін тиісті сала қызметкерлері мен жұмысшыларға алғыс білдіремін. Халық үшін қалтқысыз жасаған қызметтерінен береке тапсын деп тілегімді білдіремін.
