Толқын Арал аудандық қоғамдық-саяси газет
» » Тасқынға жасалар тосқауыл тиісті деңгейде

Тасқынға жасалар тосқауыл тиісті деңгейде

Иә, табиғаттың тосын мінезіне ешкім қарсы тұрған емес. Қоғамда тілсіз жау ретінде бағаланған су тасқынының өзі кей жағдайда адам өмірін жалмап жатады. Міне, сол қауіптің алдын алуда еліміздегі төтенше жағдайлар бөлімі жылда осы көктем мезгілдерінде су тасқынының алдын алу шараларына қызу дайындықта болады. Өзге аймақтардай емес ауданымызда айтарлықтай қауіп төндірер жерлер айтарлықтай жоқ. Десе де төтеннен келетін жағдай болғандықтан бізде де алаңдаушылық тудыратын жерлер бар. Өйткені, қарапайым қардың суы да дарияның арнасын толтырып, мұз құрсаған көк суды көл-көсір шығынға ұластыруы әбден мүмкін. Қауіп төндірер осы жағдайларды алдын ала ескерген жауапты салаларда тиісті жұмыстар жыл басынан бері қолғалыным келеді. Солардың бірі ретінде 2018 жылғы 12 қаңтарда «2018 жылға арналған азаматтық қорғаудың мемлекеттік жүйесінің Қызылорда облыстық аумақтық құрамдас бөлігін дайындау жөніндегі іс-шара» жоспарына сәйкес «Қыс және көктем  кезеңінде су тасқынының қолайсыз дамуы жағдайында төтенше жағдайлардың зардаптарын жою бойынша авариялық-құтқару және басқа да шұғыл жұмыстарды жүргізу» тақырыбында облыстық командалық-штабтық оқу жаттығу жүргізілгендігін айтуға болады. Оқу жаттығу барысында жергілікта атқарушы орган тарапынан құрылған 15 азаматтық қорғау қызметінің дайындығы тексерілген. Бұл жұмыстарға қосы алдағы науыр айының басында ауданымызда «Көктем-2018» республикалық командалық-штабтық оқу-жаттығу өкізілу жоспарлануда. Оқу-жаттығу барысында ауданда құрылған азаматтық қорғау қызметтерінің дайындығы нақтыланып, іс-қимылдары машықтанады. Бұл да біздегі төтенше жағдайлардың алдын алудағы дайындығымызды пысықтауға мүмкіндік бермек.
-Қазіргі уақытта ауданға қарасты Аманөткел елді мекені тұсындағы Сырдария өзенінің қоғаныс дамбысы көп жағдайда жергілікті мамандарды алаңдататын. Бүгінде көктемгі су тасқынының алдын алу мақсатында ақпан айынң басында аталған елді мекен жанындағы Сырдария өзеніне мониторинг жұмыстары жүргізілген. Мониторинг жұмыстары нәтижесінде Арал ауданы, Аманөткел елді-мекенінің тұсындағы Сырдария өзенінің қорғаныс дамбыларының осал жерлеріне ақау актісі жасалып, жергілікті атқарушы органға ұсынылды. Бүгінде бұл маңда жергілікті атқарушы билік тарапынан бақылауда тұр. Тиісті жұмыстар өз деңгейінде жүргізілді. Атап айтқанда, қорғаныс бөгетінің осал жерлері (жалпыұзындығы-530 метр, ен-5 метр, биіктігі-50-90 см) «КА-АСУ-ИНВЕСТ» ЖШС-нен 6 арнайы техника (2 погрузчик, 4 камаз), 9 қызметкер жұмылдырылып, топырақпен көтеріліп, нығайтылды. Осы тұста айта кетерлік жағдай, монитоинг жұмыстары нәтижесінде Арал ауданы аумағындағы Сырдария өзенінің төменгі бетінде мұз қату салдарынан, дарияның жоғарғы жағында Жетес би ауылдық округ аумағындағы «Советжарма» каналы арқылы мол су өтіп, «Райым», «Жыңғылды», «Қаязды», «Жәнбике», «Қулы», «Лайкөл», «Қамыстыбас» көлдер жүйесінің су деңгейі көтерілгендігі анықталды. Қазіргі таңда жоспарлы жұмыс бойынша автожолдың эксплуатациясына жауапты «Стандарт СТЗ» ЖШС-нен 5 арнайы техника, 7 қызметкер (1 погрузчик, 1 экскаватор және 3 камаз) жұмылдырылып, авожолдың 1-ші қапталының 1500 метр жол жиегі  толығымен және 2-ші қапталының 1000 метр жол жиегі құммен көтеріліп, күшейту жұмыстары жалғасуда. Көлдер жүйесінің су деңгейі күнделікті «Аманөткел а/о әкімінің аппараты» КММ қызметкерлерімен бақылануда. Орын алған жағдайға сол маңдағы елді-мекен тұрғындарына қауіп жоқ-дейді Аманөткел ауылдық округі әкімі аппаратының төтенше жағдайлар жөніндегі статист маманы Р.Әлімжанов.
Жалпы, орын алатын төтенше жағдайлардың қай-қайссы да айтып келмесі анық. Тек оның алдын алу жұмыстарын дер кезінде қолға алсақ, кейін бармақ тістеп, сан ұрмасымыз анық. Сол үшін жергілікті жерде жасалуы тиіс жұмыстар уақытылы қолға алынса дейіміз.
А.Бисенов.
05 наурыз 2018 ж. 395 0