Балаларға арналған йогурт ағза үшін зиян болып шықты
Балаларға арналған йогурттардың 95%-ындағы қант зиян екені белгілі болды, деп хабарлайды Stan.kz ақпарат агенттігі Daily Mail басылымына сілтеме жасап.
Сарапшылар мұндай өнімдерге толық тыйым салуға шақырды. Зерттеу үшін олар төрт жастан алты жасқа дейінгі елдегі ең танымал 100 нәресте йогуртынан алынған мәліметтерді талдады.
Көбі дизайн мен сыртқы қаптамасына назар аударды. Балалар таныс мультфильм кейіпкерлері бар түрлі-түсті қаптамадағы йогурттарды таңдап алады.
Әдетте йогурттарға сироптар мен жеміс концентраттары қосылады. Тәтті йогурт ішу зиянды қант құмарлығына айналуы мүмкін екен. Нәтижесінде балалар йогуртқа тәуелді болуы ықтимал. Тәтті көп жеу қауіпті, себебі ол қант диабетіне және басқа да ауыр проблемаларға, кейде өлімге әкелуі мүмкін.
Ең нашар үлгілерде сарапшылар өнімнің 100 граммынан 20,6 грамм қантты тапты. Йогурттардың тек 5%-ында пайдалы қант бар – әр 100 грамм үшін бес грамнан аз. Йогурт пакеттерінде көбінесе кальций, D дәрумені мен ақуыз бар.
