Синоптиктер алдағы демалыс күндеріне ауа райы болжамын ұсынды

30 тамыз – 3 қыркүйекке арналған ауа райы болжамы.Қазгидромет алдағы бес күнге арналған ауа райы болжамын жариялады. 
Синоптиктердің хабарлауынша, жаздың соңғы күндері салқын болады. 
Қазақстан аумағына Батыс сібірден суық атмосфералық фронттар ығысады, соның ықпалынан еліміздің басым бөлігінде 30 және 31 тамызда жаңбыр жауады. Шығыста және оңтүстік-шығыстағы таулы аймақтарда нөсер жауын болады. 
"Антициклонның таралуына байланысты жаңбыр тоқтайды, бірақ температура төмендейді. Солтүстік, орталық және шығыс облыстарда күндіз ауа температурасы 15-23-тен 8-15, ал түнде 2-7 градусқа дейін төмендейді. Оңтүстік-шығыста күндіз 18-25°С болады", — деп жазылған хабарламада. 
Тек республиканың батысы мен оңтүстігінде жазғы жылы және жауын-шашынсыз ауа райы сақталады. Күндіз ауа температурасы 27-ден 34 градусқа дейін болады.

sputniknews.kz