Елімізде Қазақстан, Егемен, Тәуелсіздік есімді қанша адам бар?

Ұлттық статистика бюросы елде Қазақстан, Егемен, Тәуелсіздік есімді қанша адам бар екенін хабарлады.

Стратегиялық жоспарлау және реформалар агенттігінің Ұлттық статистика бюросының мәліметі бойынша Қазақстан есімді 35 қазақстандық бар.  Олардың тоғызы Ақмола облысында, сегізі – Қарағанды облысында, бесеуі – Нұр-Сұлтанда, үшеуі – Қостанай облысында, екеуден – Шымкент, Алматы, Маңғыстау облыстарында, бір-бірден – Ақтөбе, Атырау, Батыс Қазақстан және Павлодар облыстарында тұрады.

Елімізде Егемен есімді алты қазақстандық бар. Олар – Алматы, Ақтөбе, Алматы, Қарағанды, Түркістан, Шығыс Қазақстан облыстарында тұрады.

Тәуелсіздік деген жалғыз адам Қарағанды облысында тұрады.

Сондай-ақ, елімізде 65 адам Елбасының есімін алып жүр. Қасым-Жомарт есімді екі қазақстандық бар.

massaget.kz