Толқын Tolqyn.kz ақпараттық агенттігі
» » Жанар-жағар май өнімдерінің қоры жеткілікті

Жанар-жағар май өнімдерінің қоры жеткілікті

Қызылорда облысының кәсіпкерлік және туризм басқармасымен ішкі нарықты әлеуметтік маңызы бар мұнай өнімдерімен қамтамасыз ету үшін ҚР Энергетика министрінің 2015 жылғы 27 наурыздағы «Мұнай өнімдерін өндіру және өткізу мониторингін жүзеге асыру қағидалары туралы» №236 Бұйрығына сәйкес облыс аумағында бөлшек саудадағы мұнай өнімдерінің бағаларына күнделікті мониторинг жүргізіліп келеді.
Қазіргі таңда, облыста 147 жанар-жағар май бекеттері жұмыс жасап, келесідей мұнай өнімдерінің қорымен қамтамасыз етілген.
Атап айтар болсақ, АИ-92 маркалы бензині – 16 күнге (3 949,9 тонна), дизель отыны – 12 күнге (2 989,8 тонна) жеткілікті.
2021 жылдың 10 желтоқсанындағы мониторингке сәйкес, облыста
АИ-92 маркалы бензинінің орташа бағасы – 180,0 теңге, дизель отынының орташа бағасы – 229,9 теңгені құрап отыр.
Өткен аймен салыстырғанда АИ-92 маркалы бензин бағасы – 0,2 теңгеге, дизель отыны – 0,7 теңгеге арзандаған.
Айта кету керек, Қазақстан Республикасында мемлекеттік мұнай өнімдерінің тізбесін бекіту туралы Энергетика министрінің 2022 жылғы 6 қаңтардағы №1 бұйрығына сәйкес жанар жағар майдың бағасына шекті баға енгізілді.

Арал ауданы әкімдігінің баспасөз қызметі

11 қаңтар 2022 ж. 823 0