Алаяқтыққа қарсы профилактикалық жұмыстар жүргізілді

Соңғы уақытта республика көлемінде телефонмен хабарласу арқылы жасалған алаяқтық қылмыстарының жиілеуіне орай прокуратураның ұйымдастыруымен полиция және жергілікті атқарушы органдармен бірлесіп, алаяқтықтың, оның ішінде әлеуметтік желілері арқылы жасалатын түрлері бойынша сақтану жолдары туралы қысқаша жадынамалар әзірленіп, адам көп шоғырланатын орталық базар, сауда орындары, орталық алаң, темір жол вокзалы, мединицалық мекемелерде және т. б. жерлерде таратылды.

Шара барысында аудан тұрғындарына алаяқтықтан сақ болудың қарапайым қауіпсіздік шаралары, яғни дербес деректерді, пластикалық карталардың мәліметтерін, кодтарды және құпия сөздерді ешкімге хабарламауға, белгісіз тексерілмеген сайттар арқылы төлемдер жүргізбеуге, күмәнді мәмілелер бойынша ақша аударымдарын жүзеге асырмауға, ұялы телефондар мен компьтерлерге белгісіз қосымшаларды орнатпауға, кез-келген сілтеме бойынша өтпеуге, спам хабарламаларға сенбеу жөнінде кеңінен түсіндірілді.