Жаңылтпаш айта білеміз бе?

Халқымыз ерте кезден-ақ бала тәрбиесіне ерекше назар аударған. Баланың ой-өрісінің дамып, мінез-құлқын қалыптастыру мақсатында ертегі-әңгімелер мен түрлі жұмбақ, жаңылтпаштар оқытқан. Иә, сөйлеу мәнерін меңгерудің өзі бір өнер екені анық. Сондай-ақ бала тілі мәнерлі және мүдірмей шығуы үшін жаңылтпаш жаттауының пайдасы зор. Жаңылтпашты көбіміз тек әшейін күлкі үшін айтылады деп ойлаймыз. Жоқ, олай түсінуіміз қате. Дана халқымыздың қай әдеби туындысы болмасын барлығы да тұнып тұрған тәрбие емес пе?! Жаңылтпаштың да балаға берер пайдасы жетерлік. Ол баланың ана тілін байытуымен қатар, көркем сөзді қастерлеуге дағдыландырады. Ендігі кезекте бүлдіршінге жаңылтпаш айтқызып, тілін жаттықтырып көрейік.

Атпақ ек бiр-бiр құр,

Қу екен құр құрғыр.

Таптырмай қырдан құр,

Қайттық бiз құрдан-құр.

***

Алты алманы алды Алма,

Алды алманы Алдан да,

Алдан, Алма алды алма

Ал, есебін, алданба.

***

Байқап-байқап тал арала,

Тал ішінде талар ара.