"Аманат" – халықтың үлкен сенімі

«Nur Otan» партиясының кезектен тыс XXII съезінде партияның атауы "Аманат" деп өзгертілді. Мемлекет басшысы, партия төрағасы Қ.Тоқаев бұл ұсынысты қолдап,негізгі мақсатты айқындап берді. Партия жаңа бастамаларға ұйтқы болып, жаңа Қазақстанды құруға жұмылдыруы тиіс. Бүгінгі басты мәселе - партияның жұмысын жаңғырту. Съезде қаралған мәселелер біздің алдағы жұмысымыздың бағдары болады. Бұл – Жаңа Қазақстанды құру жолында жаңарған партиямызға берілген айрықша жауапкершілік пен көрсетілген зор сенім деп санаймын.

«AMANAT» – халық мұрасын сақтаушы партия.

Тамыры терең тарихымыз, мәдениетіміз бен әдебиетіміз, тіліміз бен салт-дәстүріміз – Тәуелсіз Қазақстанның барша азаматтарының мұрасы.

Осы мұраны біртұтас елдің ортақ мүддесі үшін аманат ретінде көздің қарашығындай сақтап, дамуына жағдай жасау – партияның басты міндеттерінің бірі.

Аманат сақталған жағдайда қоғамда адамдар арасындағы бауырмалдық, сенім мен мейірім күшейеді, ел ішінде ырыс-береке ұлғаяды.

Саягүл МАХАШЕВА,

Арал аудандық мәслихат депутаты