Адам өмірінің судағы қауіпсіздігі

Су – тіршілік көзі. Жер шарында ең керек табиғи ресурстардың бірі. Күнделікті адамдар суды кез келген іске пайдаланады. Адам денесінің орта есеппен 60 %-дан астамы судан тұрады. Су – адамның ажырамас бөлігі, тіршілік көзі. Бірақ егер оны дұрыс пайдаланбаса, судың да адам өміріне қаупі мол. Су адамға өмір сыйласа да, кейде керісінше болып жатады, адам өміріне қауіп тудыруы мүмкін. Осындай қайғылы жағдайларға тікелей адамдардың өздері кінәлі. Су айдындарында суға түсу ережесінің талаптарын сақтамай, бақытсыз жағдайларға ұшырап жатады. Ауа температурасы жоғары жадыраған жаз айында суға шомылушылардың қатары артады. Суға түсу бір жағынан демалыс әрі денсаулыққа пайдалы, екінші жағынан қаупі де аз емес. Су айдындарында қайғылы оқиғаларға тап болуының басты себебі – халықтың қауіпсіздік ережелерін білмегендігі және немқұрайлы қарағандығынан. "Сумен ойнама, батарсың" деп бекерге айтылмаған. Сондықтан суға түсу ережелерін барынша қатаң сақтап, бой жоқ жерлер мен белгісі жоқ жерлерге түспеген абзал.Адам өмірі барлық байлықтан жоғары екенін баршамыз білеміз. Сондықтан құрметті азаматтар, аудан тұрғындары мен қонақтар, өзіміздің өмірімізді сақтау өзіміздің қолымызда екенін ұмытпайық! Су айдындары мен жағалауларда өзімізге және бала-шағамызға сонымен қатар жақындарымызға сақ болайық! Құрметті аудан тұрғындары, сіздерден суда қарапайым өзін-өзі сақтау ұстау ережесін қатаң сақтау керектігін сұраймыз. Атап айтқанда:

– тыйым салынған орындарда шомылуға;
–  суда балаларды қараусыз қалдыруға;
–  қоршау белгілерінен асуға;
–  көпірлерден,бөгеттерден, қайықтардан суға секіруге және сүңгуге;
–  мас күйінде шомылуға;
–  қайықтар мен катерлерге жақын жүзуге.
Осы жоғарыда айтылған қарапайым қауіпсіздік ережелерін сақтауларыңызды және айтып келмейтін табиғи құбылыстар –  су, от тілсіз жау екенін ұмытпайық. Осы талаптарды сақтай отырып барынша өз өмірімізді сақтауға тырысайық!
Д. Әбдірасулаев,
ҚР ТЖМ-нің М.Ғабдуллин атындағы
Азаматтық қорғау академиясының КОФ-3 курс курсанты