ҰБТ-дан 139 балл жинаған талапкердің нәтижесі жойылды

Бұл жайында Ұлттық тестілеу орталығы мәлім етті, деп хабарлайды Egemen.kz.

«Өкінішке қарай ҰБТ-2022 бейнежазбаларын қайтадан тексеру барысында ең жоғары 139 балл жинаған тестіленушінің ереже бұзғаны белгілі болды. Сәйкесінше, оның нәтижесі жойылып, грант конкурсына қатысу мүмкіндігінен айырылды. Бұған дейін де 139 балл жинап, бірақ ереже бұзған 2 талапкердің нәтижесін жойғанымызды айтқан болатынмын. Ал бұл – тіркелген үшінші жағдай. Енді ең максималды балл – 138, оны 4 талапкер жинады. Төртеуінің де нәтижесін тексеру жұмысы жалғасып жатыр. Естеріңізге сала кетейін, аномалды жоғары балл (+20 балдан +80 балға дейін) жинаған талапкерлердің нәтижесі біздің ерекше бақылауымызда», деп жазды Ұлттық тестілеу орталығынң директоры Руслан Емелбаев әлеуметтік желідегі парақшасында.

Ол сондай-ақ ҰБТ сертификатын қолдан жасау заңсыз және пайдасыз екенін ескертті. Себебі ҰБТ бойынша барлық дерек орталықтың базасында бар.