Еселі еңбектің берекелі өнімі

Көктем мезгілі басталғалы бері аудан тұрғындарының өз аулаларына егін егу жұмыстары қарқынды түрде бастау алған болатын.

Бекбауыл ауылдық округінің тұрғындары да бұл бастамадан қалыс қалмады. Ауылдың 5 тұрғыны өз күштерімен 10 гектар жерге бау-бақша дақылдарын егіп, өнім алуда. Бұл ауыл халқының ауызбіршілікпен еңбекке ұмтылуының бірден-бір көрінісі.

Сонымен қоса, «Жамбыл» өндірістік кооперативі тарапынан Ақшатау өңіріндегі 12 гектар жерге бау-бақша және көкөніс егілген еді. Бүгінде диқандар еккен өнімдерінің жемісін көруде.

Арал ауданы әкімдігінің баспасөз қызметі