Сот үкімімен бас бостандығынан шектеу жазасы тағайындалды

Арал аудандық сотында Қазақстан Республикасы ҚК-нің 191-бабының 2-бөлігінің 1) тармағымен айыпталған К.-ның қылмыстық ісі қаралды.Іс құжаттарына сәйкес, сотталушы К. бөтеннің мүлкін ашық жымқыру мақсатында, Арал қаласы Бақтыбай батыр көшесінің бойында тұрған азаматша Ж.-ның қолын қайырып, оның қолындағы «Самсунг Нот 2» үлгісіндегі ұялы телефонын және ішінде банкомат карточкасы мен жеке куәлігі салынған әмиянын ашық тонап, соңғының төс тұсынан итеріп жіберіп, денсаулығына жеңіл дәрежеде зиян келтіріп, оқиға орнынан бой тасалаған.
Сотталушының қылмыстық әрекеті, іс құжаттарымен және оның сотта өзінің айыбын мойындап берген жауабымен толық дәлелденген.
Сот үкімімен сотталушы К. Қазақстан Республикасының Қылмыстық кодексінің 191-бабының 2-бөлігінің 1- тармағымен кінәлі деп танылып, оған 3 жыл 6 айға бас бостандығынан шектеу жазасы тағайындалды.
Арал аудандық сотының
баспасөз қызметі