Дүйсенова Мемлекет басшысының тапсырмаларын іске асыру барысы туралы баяндады
Еңбек және халықты әлеуметтік қорғау министрі Тамара Дүйсенова Үкімет отырысында Мемлекет басшысының 1 қыркүйектегі «Әділетті мемлекет. Біртұтас ұлт. Берекелі қоғам» атты Жолдауында айтылған тапсырмаларын іске асыру мақсатында ведомство жүргізіп жатқан жұмыстар туралы айтып берді, деп хабарлайды BAQ.KZ.Өз сөзінде Тамара Дүйсенова Министрлік Мемлекет басшысының барлық тапсырмаларын іске асырудың нақты алгоритмін әзірлегенін атап өтті.
Мәселен, Отбасының цифрлық картасын (бұдан әрі – ОЦК) енгізу жөніндегі тапсырманы іске асыру шеңберінде мыналар көзделген:
- 2022 жылдың 1 қыркүйегінен бастап жәрдемақылар мен әлеуметтік төлемдердің 9 түрі бойынша ОЦК-ны пилоттық режимде іске қосу;
– осы жылдың желтоқсан айында ҚР Әлеуметтік кодексі жобасының шеңберінде ОЦК енгізу және «Дербес деректер туралы» және «Ақпараттандыру туралы» ҚР Заңдарына өзгерістер енгізу;
– 2023 жылғы 1 қаңтардан бастап әлеуметтік қорғау саласында мемлекеттік кепілдіктер беру;
- 2024 жылғы 1 қаңтардан бастап ОЦК арқылы денсаулық сақтау және білім беру салаларында мемлекеттік кепілдіктер беру;
- 2025 жылғы 1 қаңтардан бастап мемлекеттік кепілдіктердің барлық түрлерін қамту.
Ең төменгі жалақыны (бұдан әрі – ЕТЖ) 70 мың теңгеге дейін арттыру жөніндегі тапсырманы орындау шеңберінде осы жылғы желтоқсанда «2023-2025 жылдарға арналған республикалық бюджет туралы» заң жобасына өзгерістер енгізу, сондай-ақ Мемлекеттік әлеуметтік сақтандыру қорынан (бұдан әрі – МӘСҚ) тағайындалатын әлеуметтік төлемдерді есептеу алгоритмдерін түзету көзделуде.
Оның мөлшерін кезең-кезеңімен арттыруға мүмкіндік беретін ЕТЖ анықтаудың жаңа әдістемесін енгізу мақсатында келесі жылдың наурыз айында ҚР ЕХӘҚМ Дүниежүзілік банкпен бірлесіп зерттеулер жүргізуді және жаңа тәсілдер әзірлеуді жоспарлап отыр. Ал 2023 жылғы желтоқсанда ҚР Еңбек кодексіне және «Ең төменгі әлеуметтік стандарттар туралы» заңға ЕТЖ және оны арттыру тетіктерін белгілеу бөлігінде тиісті өзгерістер енгізілетін болады.
Келесі жылы 100 мың жас адамды жұмыспен қамтудың түрлі шараларымен қамтуды қамтамасыз ету жөніндегі тапсырманы іске асыру шеңберінде 2023 жылғы қаңтарда Кәсіпкерлікті дамыту жөніндегі ұлттық жоба шеңберінде жұмыспен қамтуға жәрдемдесудің белсенді шараларының тетіктерін қайта қарау жоспарлануда.
Сонымен қатар осы айдың өзінде Еңбекмині жастар кәсіпкерлігіне жылдық 2,5%-бен жеңілдікпен микрокредит берудің жаңа тетігін енгізу үшін республикалық бюджеттен қосымша қаржыландыру қажеттілігі бойынша есептерді ұсынатын болады.
Жұмысынан айырылу бойынша МӘСҚ-тен төленетін төлем мөлшерін биыл желтоқсанда орташа айлық табыстың 45%-на дейін арттыру бойынша тапсырманы орындау мақсатында ҚР Әлеуметтік кодексі жобасы шеңберінде әлеуметтік сақтандыру жүйесінің параметрлерін өзгерту көзделген. Жаңа мөлшердегі төлемдер 2023 жылғы 1 қаңтардан басталады.
Неғұрлым сұранысқа ие жоғары білікті кадрлардың тапшылығын төмендету жөніндегі тапсырманы орындау үшін 2023 жылғы наурызда «Кәсіби біліктілік туралы» заңды қабылдау жоспарлануда.
Қазақстан экономикасына бір уақытта 300 мың доллардан астам инвестиция салған шетелдік бизнесмендер үшін инвестициялық визаны, сондай-ақ тапшы кәсіптері бар шетелдіктер үшін визаларды енгізу жөніндегі тапсырманы іске асыру шеңберінде биылғы қыркүйекте ҚР Көші-қон саясатының 2023-2027 жылдарға арналған тұжырымдамасына, ал 2023 жылғы маусымда «Халықтың көші-қоны туралы» Заңға өзгерістер енгізілетін болады.
Бұдан басқа осы жылғы қарашада «Қуатты өңірлер – ел дамуының драйверлері» ұлттық жобасы шеңберінде қандастардың қоныс аударуын ынталандырудың және ішкі көші-қонды реттеудің арнайы бағдарламаларын әзірлеу аяқталады.
Бала күтімі бойынша төлем кезеңін бір жарым жасқа дейін ұлғайту жөніндегі тапсырманы іске асыру үшін ағымдағы жылғы қыркүйектен қазанға дейін жұмыс істемейтін аналар үшін республикалық бюджеттен қосымша қаржыландыру қажеттілігі бойынша есептеулер ұсынылады және жұмыс істейтін ата-аналар үшін МӘСҚ-тен төленетін әлеуметтік төлемдерді есептеу алгоритмі түзетіледі. Биыл желтоқсанда ҚР Әлеуметтік кодексінің жобасы шеңберінде балалы отбасыларды қолдау жүйесінің параметрлерін өзгерту және 2023 жылғы 1 қаңтардан бастап мемлекеттік жәрдемақы мен әлеуметтік төлемдерді тағайындау және төлеу бойынша ақпараттық жүйелерді дайындау көзделген.
Базалық зейнетақының ең төменгі мөлшерін ең төменгі күнкөріс деңгейінің 70%-ына дейін, ал ең жоғары мөлшерін 120% - ға дейін кезең-кезеңімен арттыру және әйелдер үшін зейнетақы жасын белгілеу жөніндегі тапсырмаларды орындау мақсатында 2023 жылдан 2028 жылға дейін 61 жыл деңгейінде ағымдағы жылғы қыркүйектен қазанға дейін зейнетақы төлемдерін қаржыландыруға республикалық бюджеттен қосымша қаражат қажеттілігі бойынша есептер ұсынылатын болады. сондай-ақ БЖЗҚ-дан тағайындалатын зейнетақы төлемдерін есептеу алгоритмі түзетілді. Осы жылдың желтоқсанында ҚР Әлеуметтік кодексінің жобасы шеңберінде зейнетақы жүйесінің параметрлерін өзгерту және 2023 жылғы 1 қаңтардан бастап зейнетақы тағайындау және төлеу бойынша ақпараттық жүйелерді дайындау көзделген.
