Тез қартаймаудың 5 қарапайым әдісі

Қазір елдің бәрі сұлулық пен өзін күтуге мән беретін болды. Бірі боянып, бет-денесін әрлеумен айналысса, енді бірі фитнес пен спортзалға барып, денсаулығын жөндеуге тырысады. Қалай десек те, денсаулық сақтау мен жастықты ұстап тұру бір-бірімен тығыз байланысты.

Ендеше жастықты сақтаудың жолдары қандай екен, соған тоқталайық.

Бірінші жолы – су ішу

Мамандардың айтуынша, жастықты сақтаудың ең оңай жолдарының бірі – бұл көбірек су ішу. Күніне адам 1,5-2 литр су ішуі керек. Суды таңертеңнен бастап ішу керек. Тамаққа дейін 40-60 минут бұрын жылы су ішсеңіз, ағзаға пайдасы мол болмақ.

Екінші жолы – гимнастика

Бетке гимнастика жасау. Оны жасаудың жолдары да, түрлері де көп. Фейсбилдинг, фейслифтинг деп жатамыз. Бұлар беттің терісін тартып, ісік пен әжімдерді кетіреді.

Үшінші жолы – бетті ылғалдандыру

Таңертең және кешке бетке жақпамай жағып, маска жасауды әдетке айналдырған жөн. Тері майлы болса да бәрібір ылғалдандыру керек.

Төртінші жолы – дұрыс тамақтану

Дұрыс тамақтану дегеніміз құнарлы, нәрлі тағамдарды жеу. Көкөніс пен жеміс-жидекті көбірек тұтынуды әдетке айналдыру. Ақуыз, май мен көміртегін баланста ұстау қажет.

Бесінші жолы – дұрыс демалу

Яғни, ұйқыны қандыру. Адам күйзелісте жүрсе, тері де нашарлап кетеді. Адам ұйықтағанда ғана тері өзін-өзі қалпына келтіріп, жай-күйі жақсармақ.

massaget.kz