Ақлақ су тоспасын жөндеу жұмысымен танысты

Бүгін аудан әкімінің орынбасары Е. Әбішев және Қазсушар РМК облыстық филиалының директоры Р. Ахметов Ақлақ су тоспасын жөндеу жұмыстарымен және Арал теңізіне су жіберу барысымен танысты. Қазіргі таңда Арал теңізіне су жіберу үшін Қарашалаң көлі арқылы Тәуір, Тікаша және Сапон каналдары жұмыс жасауда. Бүгінде аталған каналдар арқылы теңізге секундына 5 текше метр су тасталуда.

Сонымен қатар, аралау барысында Қарашалаң көлінің қорғаныс бөгеттерінің жай күйімен танысып бөгетті күшейту және Сағымбай, Көкіш каналдарын уақытша жабу туралы келісім жасалды. Аталған шаралар Қарашалаң ауылының тұрғындарының ұсынысы және келісімі арқылы жасалды. Сондай-ақ Ақлақ су тоспасының алдындағы уақытша бөгетке қауіп төндірмеу үшін Домалақ көліне су түсіретін каналдар арнасын шұғыл тазалау туралы шешім қабылданды.