Превенция қызметінің басшысы С.Ахметжанов Қызылорда тұрғындарына жеке қабылдау жүргізді

Ағымдағы жылдың 19 қазанында Қазақстан Республикасының Сыбайлас жемқорлыққа қарсы іс-қимыл агенттігі Превенция қызметінің басшысы Саян Ахметжанов Қызылорда облысына жұмыс сапары аясында «Antikor Ortalygy»сервистік орталығында қала тұрғындарына жеке қабылдау жүргізді.

Қабылдауға келген тұрғындардың басым бөлігі жұмысқа орналасу, денсаулық сақтау, мемлекетік қызмет саласы және әлеуметтік қорғау мәселелеріне байланысты сауалдарымен жүгінді.

Өз кезегінде Саян Қылышұлымен аталған мәселелерге қатысты тиісті уәкілетті органдарға қажетті шараларды қабылдау тапсырылды.

Тұрғындардың барлық сауалдары мен мәселелері Қазақстан Республикасының заңнамасында белгіленген тәртіппен қаралатын болады.