"Ақлақ" су тоспасы жөндеуден өтті

Қала күні қарсаңында бүгін аралдықтар үшін ақжолтай жаңалық жетті. Сырдария өзенінің Арал теңізіне құяр сағасындағы «Ақлақ» су тоспасы жөндеуден өтіп, гидронысан арқылы Арал теңізіне су жіберу жұмыстары басталды.

Айта кетейік, «Ақлақ» су тоспасы 2003 жылы салынған. Қыс-көктем мезгілінде мұз жүру әсерінен салынған 9 мұзжарғыштың 5-еуі құлап, су астына кеткен еді. 2021 жылы жүргізілген тексерістер нәтижесінде су тоспасына қосымша жөндеу жұмыстары қажет екендігі анықталған.

Соған сәйкес, стратегиялық маңызы бар нысанды қалыпқа келтіру үшін тиісті шаралар қолға алынды. Нәтижесінде, бірнеше айға созылған ағымдағы жөндеу жұмыстары бүгін аяқталып, бөгетке төнген қауіп толығымен сейілді.