Әскерде қызмет еткен қазақстандықтар ҰБТ ұпайларын есепке алмай ЖОО-ға түсе алады, ал ерекше көзге түскен мерзімгерлерге гранттар беріледі, деп хабарлайды BAQ.KZ.

Қарағанды облысында күзгі әскерге шақыру жүріп жатыр. Жыл басынан бері 2 мыңға жуық жас жігіттер шұғыл қызметке шақырылды. Жыл соңына дейін тағы 500 болашақ сарбаздарды шақыртылады деп жоспарланып отыр.
Егер бұрын әскери комиссариаттардың қызметкерлері әскерге жіберу үшін жастар арасында ауқымды үгіт-насихат жұмыстарын жүргізуге мәжбүр болса, енді қызмет еткісі келетіндердің саны өзі артады дейді мамандар. Бұл демобилизацияланғандарға ҰБТ-да жинаған балдарын есепке алмай, мерзімді әскери қызмет өткергеннен кейін екі жыл ішінде ақылы және тегін негізде ЖОО-ға оқуға түсу үшін мүмкіндіктер берілетіндігіне байланысты. 

Әскерден кейін ұлдар ЖОО-ға екі жыл бойы ақылы негізде түсе алады. Ол үшін олар сұхбаттасудан өтсе болды. Бұл ретте ұлттық бірыңғай тестілеудің нәтижесі ескерілмейді. Қызмет барысында ерекше көзге түскендер тегін оқуға мүмкіндік алады. Ол үшін сарбаздар қызмет еткен бөлімнің қолбасшылығынан оң мінездеме алуы тиіс. Бұрыңғы әскери қызметшілердің барлығы ЖОО-ның әскери кафедрасында тегін және емтихансыз оқудан өте алады, – дейді Қарағанды облысының қорғаныс істері жөніндегі департаменті бастығының орынбасары Мұхтар Қайшатаев. 

ЖОО гранты есебінен тегін жоғары білім алу мүмкіндігін жауынгерлік даярлықта неғұрлым жоғары нәтижелер көрсеткен әскери қызметшілер алады. Сондай-ақ, ұлдары Отан алдындағы борышын өтеп жатқан кезінде олардың ата-аналары коммуналдық қызметтерді 50% жеңілдікпен төлей алады, деп хабарлады спикер. Сонымен қатар, Мұхтар Қайшатаев атап өткендей, қызмет барысында және ол аяқталғаннан кейін екі ай бойы әскерилердің несие төлемдері уақытша тоқтатылады.
Күзгі мерзімді әскери қызметке шақыру 1 қыркүйектен басталды. Осы уақыт ішінде қалалық және аудандық әскерге шақыру комиссиялары 700-ге жуық жас жігітті әскерге жіберді. Көктемгі әскерге шақыру кезінде 1300-ге жуық жас жауынгер шақырылды.
baq.kz