АУДАН ӘКІМІ МҰРАТ СЫДЫҚОВТЫ ҚАБЫЛДАДЫ

Таяуда Арал ауданының әкімі Серік Сермағамбетов Қазақстанның еңбегі сіңген қайраткері, «Құрмет орденінің», «Халық алғысы» медалінің иегері, Арал ауданының құрметті азаматы, күйші-композитор, ақын, жырау Мұрат Сыдықовты қабылдады. Кездесуде белгілі жырау Мұрат Сыдықов ұлттық өнердің отын өшірмей, төл дәстүрді жастарға өнеге ететін үйірме ашуына ықпал еткен аудан әкіміне алғысын білдірді.
Айта кетейік, 2022 жылы маусым айында Зейнолла Шүкіров атындағы қалалық мәдениет үйінен Мұрат Сыдықов атындағы домбыра үйірмесі ашылған. Ал, биыл ақпан айында Арал аудандық мәдениет орталығында «Мұрат жырау» үйірмесі жұмысын бастаған болатын. Қазіргі уақытта үйірмеде 20-дан астам жерігілікті шәкірттерге дәріс беріліп келеді.
Кездесуде белігілі күйші М. Сыдықов үйірмелер жұмысын жандандыру бойынша музыкалық аспаптар және тағы да басқа құрал-жабдықтармен қамтамасыз етуді сұрады. Өз кезегінде Серік Сағитжанұлы бұл мәселені шешу үшін жауапты бөлімдерге тиісті шаралар қабылдауды тапсырды.