Белгілі күйші-композитор, ақын Мұрат Сыдықов атындағы жыр-терме үйірмесі ашылды

Аудандық мәдениет орталығында Қазақстанның еңбек сіңірген қайраткері, Қазақстанның мәдениет қайраткері, «Құрмет» орденінің иегері, «Халық алғысы», "Еңбек даңқы» медальдарының иегері, Қазақстан Композиторлар одағының мүшесі, Арал ауданының құрметті азаматы, белгілі күйші-композитор, ақын Мұрат Сыдықов атындағы жыр-терме үйірмесі ашылды.

Үйірменің ашылу салтанатына аудан әкімінің орынбасары К. Бержанов қатысып, бастау алған игі шараның мән-маңызына тоқталып, ұлттық өнеріміздің асқақтай беруіне тілектестігін білдірді.

Шара барысында күйші-композитор Мұрат Сыдықыв жыр-терме үйренуге ниетті үйірмеге қабылданған жас өрендерге арнап батасын берді.

Осылайша жаңа үйірменің лентасы қиылып, үйірмеге қабылданған жастарға киелі домбыра аспабын шертіп, киелі өнердің шертудің қыр-сырын үйрету жұмыстары басталды.

"Толқын" ақпарат