Қауынның 10 пайдалы қасиеті

Қауын – асқабақ тұқымдасына жататын, қоректік заттарға бай өнім. Сонымен қатар бұл өнімнің калориясы аз. Сондықтан қазір оны көбірек жеуге болады, деп жазды turkystan.kz Tuggeranong Square Medical Practice басылымына сілтеме жасап.

Ендеше, қауынның 10 пайдалы қасиетіне тоқталайық.

Салмақ жоғалтуға ықпал етеді

Қауын ас қорытуды реттеуге және холестериннен арылуға көмектесетін талшықтарға бай. Оның калориясы да төмен. Сондықтан салмағын азайтып, денесін шынықтыруды қалайтын адамдар қауынды жиі тұтынуына болады.

Денені ылғалдандырады

Қауынның құрамында су көп: шамамен 90%. Сонымен қатар калийге бай. Бұл денедегі тұрақты су деңгейін ұстап тұрады. Сондықтан қауынды негізінен жаз мезгілінде тұтынады.

Жүрек жұмысын жақсартады

Қауын С дәрумені, калий, холин және талшық сияқты әртүрлі қоректік заттарға бай. Бұл қан қысымын төмендетіп, инсульт қаупін азайту арқылы жүректі қорғайды.

Қатерлі ісік қаупін төмендетеді

Бұл жеміс, сонымен қатар, бізді сүт безі, қуық асты, өкпенің қатерлі ісігінен және басқалардан қорғайтын флавоноидтық криптоксантинге бай. Қауындағы С дәрумені мен ликопен мөлшері кейбір ісіктердің алдын алуға көмектеседі.

5. Бүйрек жұмысына оң әсер етеді

Қауын бүйректегі токсиндер мен басқа да қалдықтардан арылуға көмектеседі. Сөйтіп, бүйрек жұмысын жақсартады. Құрамындағы калий бүйректе тас пайда болуына жол бермейді.

Қан қысымын реттейді

Ғылыми зерттеулер калий, магний және аминқышқылдарының жоғары көрсеткіші қан қысымын реттеуге және төмендетуге көмектесетінін көрсетті. Ал қауын бұл қоректік заттарға бай.

Иммундық жүйені қалыпқа келтіреді

Қауын – иммундық жүйені нығайтуға көмектесетін С дәруменінің қайнар көзі. С витамині бактериялардың жиналуына жол бермейді және денеңізді инфекциялар мен аурулардан қорғайды.

Қабынумен күреседі

Антиоксиданттар ағзадағы қабынуды жеңе алады. Қауын бай антиоксидант көзі ретінде, жасушалардың өсуіне ықпал етеді және қабынуды және басқа да денсаулыққа проблема тудыратын бос радикалдармен күреседі.

Көзге пайдалы

Қауын лютеин мен зеаксантинге бай. Ал бұл – көз саулығы үшін қажетті фитонутриенттер. Бұл жеміс көруді жақсартады, катаракта және жасқа байланысты көз ауруларының алдын алады.

Қант диабетінің алдын алады

Қауынның құрамында адам ағзасындағы инсулин өндірісін реттейтін қасиет бар. Оның дәмі тәтті болса да, глюкозасы төмен.