Өрт қауіпсіздігінің алдын алу үшін түсіндірме жұмыстары жүргізілді

Жылу беру маусымында өрт қауіпсіздігінің және газдан уланудың алдын алу мақсатында аудандық Төтенше жағдайлар бөлімінің қызметкерлері және өзге де жауапты мамандар әлеуметтік нысандар мен тұрғын үйлерді аралап, профилактикалық үгіт-насихат жұмыстарын жүргізді.

Үгіт-насихат жұмыстары барысында тұрғындарға тұрмыстық газды пайдалану кезіндегі қауіпсіздік ережелерін сақтау және оқыс оқиға орын алған жағдайда қандай іс-әрекеттер жасау керектігі жөніндегі ережелер таныстырылды.

Сонымен қатар бөлім қызметкерлері аудан орталығындағы адам көп шоғырланатын орындарда «Газдан уланудан сақтан», «Тұрмыстағы өрт қауіпсіздігі», «От баланың ойыншығы емес» тақырыбындағы үнпарақтарын таратып, түсіндірме жұмыстарын жасады.