Жол жүрісі қағидаларын бұзып, мүліктік залал келтірген

Арал аудандық сотында Қазақстан Республикасының ӘҚБтК-нің 610-бабының 3-бөлігімен азамат Б-ға қатысты әкімшілік құқық бұзушылық туралы іс қаралды.

Сотта анықталғандай, Б. мотокөлік басқаруға құқығы жоқ бола тұра, «Jelmaia» мотокөлігімен азаматша С-ның басқаруындағы «Hunday Accent» маркалы автокөлігіне соғып, жәбірленушіге мүліктік залал келтірген.

Сот отырысында оның құқық бұзушылық әрекеті, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген.

Сот қаулысымен Б. жоғарыда аталған баппен кінәлі деп танылып, оған 144 900 теңге көлемінде әкімшілік айыппұл салынды.

Арал аудандық соты