Шәкірттер облыстан олжалы оралды
Күні кеше облыс орталығында «Ұлттық мектеп лигасы» аясында 5-6 және 7-8 сынып оқушылары арасында жеңіл атлетикалық кросстан облыс біріншілігі ұйымдастырылды. Шыдамдылықты қажет ететін жас атлеттердің додасына аудандық кезеңнен іріктелген кіл мықтылар қатысты. Нәтижесінде теңізді өлкенің өрендері жақсы нәтиже көрсетіп, жеңіс тұғырынан көрінді. Атап айтсақ:І орын - 5-6 сынып бойынша №57 орта мектебінің оқушылары
ІІІ орын – 7-8 сынып бойынша №57 орта мектебінің оқушылары
Команда жетекшілері: Жалғасхан Ботантаев және Самат Өнерпазов пен Серік Қуанышбайұлы
Айта кетейік, жеңіс тұғырынан көрінген №57 орта мектебінің 5-6 сынып оқушылары сайыстың Республикалық кезеңіне жолдама алды.
Шәкірттерімізді жеңістерімен құттықтай отырып, алдағы жарыс жолдарына сәттілік тілейміз!
Арал аудандық білім бөлімі
