Есірткі еліндегі балақайдың оқиғасы
Ертеректе бір кішкентай, бірақ өте ақылды балақай болыпты. Оның аты Асыл еді. Асылдың ауылында бәрі бақытты өмір сүретін. Олар бірге ойын ойнап, кешкісін жұлдыздар астында әңгіме айтатын. Бірақ, бір күні ауылдың шетіне қара бұлт сияқты бір белгісіз зат келеді. Бұл – есірткі елінен шыққан «Қара тұман» еді.Қара тұман адамдарды өзіне тартып, олардың жүрегіндегі жарқын сезімдерді өшіретін қасиетке ие болатын. Ауылдың кейбір жастары осы тұманға қызығып, соның ішіне кіріп кетеді. Бірақ ол жерден шыққандар ешқашан бұрынғыдай бола алмайтын. Олар әлсіз, көңілсіз әрі еш нәрсеге құштарлығы жоқ адамдарға айналатын.Асыл бұл құпияны зерттеп көрмек болады. Ол қасында досы Айданмен бірге Қара тұманның ішіне кіреді. Олар тұманның ішінде адамды алдайтын жарқыраған заттарды, жалған достықты және уақытша бақытты көріп, оны ұстағысы келеді. Бірақ Айдан дер кезінде тоқтайды да, Асылға:– Бұл бәрі өтірік! Есірткі тек алдайды, біз бұл жерден кетуіміз керек, – дейді.Айданның айтқанын тыңдаған Асыл тұманның ең түбіне дейін барып, оның нағыз пішінін көреді. Қара тұманның артында кішкентай, бірақ өте қатыгез айдаһар жасырынып тұр екен. Айдаһар адамдардың өмір қуанышын жеп, оларды тек көлеңкеге айналдыру үшін бәрін істейтін. Асыл батылдық танытып, айдаһарға:– Сенің бізді алдайтын уақытың бітті! Біз өзіміздің өмірімізді өз қолымызға аламыз! -деп айғайлайды.Сол кезде Асыл мен Айдан тұманнан шығып, ауылға оралады. Олар ауыл тұрғындарына көргендерін айтып береді. Барлығы есірткінің шынайы зиянын түсініп, оны ауылынан біржола қуып шығады. Содан бері бұл ауылда ешкім есірткіге алданбайтын, себебі олар өмірдің шынайы бақытын бірге тапқан еді.Аяла АЛПЫСБАЕВА,
№64 орта мектебінің оқушысы
