Семинар-кеңес өткізілді

Арал аудандық сотының төрағасы Р.Алдамбергеновтың төрағалық етуімен «Жазаны өтеуден шартты түрде мерзімінен бұрын босату және жазаның өтелмеген бөлігін неғұрлым жеңіл түріне ауыстыру туралы материалдарды қараудағы өзекті мәселелер» тақырыбында семинар-кеңес өткізілді.

Шараға аудандық соттың судьясы Б.Керуенбаев, аудандық пробация қызметі бөлімінің қызметкерлері қатысты.

Сот төрағасы Р.Алдамбергенов шараны ашып, жазаны өтеуден шартты түрде мерзімінен бұрын босату тәжірибесі сотталғандардың мінез-құлқына әсер етудің тиімді шараларының бірі болып табылатынын, сондықтан сотталғандардың өтініші бойынша сотқа ұсынылатын материалдардың тиісті сапасы мен толықтығын қамтамасыз етудің маңыздылығын айтып, қылмыстық-процестік, қылмыстық-атқару заңнамаларының талаптарына тоқталды.

Бұдан соң шараға қатысушылар аталған санаттағы материалдарды қарау барысында туындайтын өзекті мәселелерге қатысты сындарлы пікір алмасып, құқықты қолдануда туындауы мүмкін деген өзге де мәселелерді талқылады. Сондай-ақ, осы бағыттағы жұмыс сапасын арттыруға бағытталған ұсыныстар айтылды.

Арал аудандық соты