Ұстаз – ұлағатты ұғым
Шәкiрттерiн бiлiм нәрiмен сусындатып, тәлім-тәрбиe беру, жақсы қасиeттерді бойына дарытып, адамгершілік рухта бағыт-бағдар берудe ұстaздың еңбегi зор. Сондықтан да ол әрдайым құрметті тұлға ретінде ерекшеленеді.Ұстаздық ұлағатты жолын қалыптастырған, өмір жолында өнеге қалдырған №262 мектеп-гимназиясының орыс тілі мен әдебиеті пәні мұғалімі Гүлнәр Сарбасова. Ол 1964 жылы 27 наурыз күні Арал ауданда дүниеге келген. 1971 жылы Арал ауданындағы №64 орта мектебінде 1-сыныбына қабылданып 8 сыныбын тамандап, ары қарай 1979 жылы Н.К.Крупская атындағы №14 орта мектебін 1981 жылы орта білім алып шықты.
1982 жылы Қызылорда қаласындағы Н.В.Гоголь атындағы Педагогикалық институтының «Орыс тілі мен әдебиеті пәні мұғалімі» педагогика факультетін 1987 жылы бітірді. Еңбек жолын 1987- 2009 жылдар аралығында №71орта мектебінде және 2009-2024 жылдар аралығында Ұзақбай Қараманов атындағы №262 мектеп-гимназиясы КММ-сінде өз мамандығы бойынша «Орыс тілі мен әдебиеті пәні мұғалім» болып жұмыс істеді.
«Адамның адамшылдығы жақсы ұстаздан» деп Абай хакім айтпақшы, әрбір ісіңіз жеңіске жетіп жатса, оның артында ұстаздың бір тамшы болса да еңбегі бар. Гүлнәр Сарбасова 2024 жылы 26 қыркүйегінде кенеттен қайтыс болып, білім саласы ауыр қазаға ұшыраған еді. 37 жыл еңбек өтілі бар ұлағатты ұстаз арамызда болғанда бүгінде зейнетке шығар еді. Ұстаз еңбегін сыйлау, оған құрмет көрсету – сол адамға деген сый-сияпат емес, сіздің тәрбиелі, тәлімді тұлға болғаныңыз. Сондықтан ауданға белгілі ұстаз атын ұлықтауды жөн санадық!
А.СЫРЛЫБАЙ
