Мал шаруашылығына көрсетілетін қолдауға мониторинг жүргізілді

Бүгін «AMANAT» партиясы Арал аудандық филиалы жанындағы Партиялық бақылау комиссиясы мал шаруашылығын қолдау бағытындағы мемлекеттік бағдарламалардың орындалуына мониторинг жүргізді.

Іс-шараға Аудандық партия филиалының Атқарушы хатшысы Қанатов Талғат Мырзағұлұлы, аудандық мәслихат депутаты Алданов Әділхан Шанжарханұлы және Аққұм ауылдық округінің әкімі Жандаулетов Нұрбек Сауренұлы қатысты.

Партия өкілдері Аққұм ауылдық округіндегі шаруа қожалықтарының жұмысымен танысып, мал басын көбейту, асылдандыру және өнімділікті арттыру жөнінде ақпарат алды.

Айта кетейік, партияның Сайлауалды бағдарламасын іске асырудың өңірлік Жол картасында мал басын көбейту, оны асылдандыру және өнімін ұлғайтуға бағытталған мемлекеттік қолдау шараларының орындалуын бақылау көзделген. Осы бағытта партия филиалы тарапынан тұрақты түрде мониторинг жүргізіліп келеді.