Аудан көлеміндегі білім беру ұйымдарының жаңа оқу жылына дайындығы туралы

Мемлекеттің  басым  міндеттерінің бірі  балалар мен  жасөспірімдер  үшін  білім беру  объектілерінде  тәрбиелеудің,  оқытудың,   демалудың қауіпсіз жағдайларын қамтамасыз  ету  болып  табылады. Ауданымызда  2025 жылы  жалпы білім беретін мектептер саны - 47, 1 облыстық мамандандырылған мектеп-лицей-интернат бар, барлығы- 48 мектеп, оның ішінде қаладағы мектеп саны - 11, елді- мекендегісі - 37. Оның  ішінде бір  ауысымда -19 мектеп,  2  ауысымда- 29  мектеп оқиды, 3  ауысымда  оқитын  мектеп жоқ.Аудан  көлеміндегі47  мектептің ішінде 2024-2025 оқу  жылында 46 мектепте ыстық тамақ, 1 мектепте (Тоқабай  елді-мекеніндегі №248 орта мектеп) буфеттік  тамақ  берілді.   Жалғызағым және Конту бастауыш мектептері  қазіргі  таңда  облыс әкімінің  13.08.2025 жылғы №157 қаулысына  сәйкес  таратылды.
Елбасы өзінің жолдауында оқушылардың сапалы білім алуы үшін мектептердің санитариялық-техникалық жағдайын жақсарту керектігін, оның ішінде, ең бірінші кезекте апаттық жағдайда тұрған мектептерді қалпына келтіруді тапсырған болатын. Қазіргі таңда аудан көлемінде апаттық  жағдайда  тұрған мектеп жоқ, 1 мектепжаңадан  салуды қажет етеді, 2 мектеп  жанындағы интернат  күрделі жөндеу жұмыстарын жүргізуді қажет етіп тұр.
Аудан көлемінде  бала саны бойынша тығыздылықпен 3 мектеп жұмыс жасап жатыр, яғни оқу кабинеттерінде санитариялық  қағида  талаптары бойынша  әр балаға 2,5 ш.м  болу шарты сақталмауда.
          Аудан көлеміндегі  1  мектеп   пен 1  мектеп жанындағы медициналық  пункт қазіргі  таңда санитариялық-эпидемиологиялық  қорытындыларын алмай  жұмыс жасауда.
Аудан көлеміндегі мектептердің орталықтандырылған су жүйесімен  қамтылғаны- 42 мектеп, 5 мектеп (№59 Қарақұм, №18 Ерімбетжаға, №230 Жіңішкеқұм, №60 Сазды, №22 Ақбасты) құдық  суымен қамтамасыз  етілген, 1-уі  тасымалды сумен (№77  Құланды орта мектебі) қамтамасыз  етілген.
Аудан  көлеміндегі  білім беру  объектілерінің барлығы ішкі  әжетханалармен қамтамасыз  етілген.
Ауданда лас су тазалау үшін №281 мектепте ассенизациялық автокөлік қаралған, қалған барлық мектептер мемлекеттік сатып алу жұмыстарын жүргізіп, Сексеуіл кенті мен Бөген елді мекенінде тұратын 2 жеке кәсіпкермен келісім шартқа отырған.
Аудан  көлеміндегі  мектептердің  жаңа  оқу  жылына  дайындығына мониторинг жүргізу  барысында төмендегідей  кемшіліктер анықталды: аудан  бойынша 2  мектептің  2 оқу  кабинетінде  парталардың  орналасуы оқушыларға жарық сол жақтан  түсетіндей  етіп қамтамасыз  етілмеген, 1  мектеп  химия,  физика кабинеттерімен  жарақталмаған, 1 мектептің химия,  физика кабинеттерінде демонстрациялық  үстелдер қаралмаған, 5  мектепте химия  кабинеттеріндегі сыртқа тарту шкафтары  іске қосылмаған, 2  мектептің  спорт залындағы  жылу  батареялары  торланбаған, 3  мектепте   шеберханалар қаралмаған, 5  мектепте  парталары   ескірген,6 мектептің  кейбір  оқу  кабинеттерінде едендеріне  төселген  төсемдері  ішінара  жыртылған.
Елбасы үнемі білім бәсекесіндегі қабілеттілік туралы айтып келеді. Білімді ұрпақтың ғана бақыты мол, ырысы шалқар болмақ. Ал заман талабына сай мектептен білім алып шыққан өрен ертең-ақ елге тұтқа болатын азаматқа айналатыны хақ.

А.САТЕКЕЕВА,
Арал аудандық санитариялық-эпидемиологиялық

бақылау басқармасы басшысы