Басқару құқығынан айырыла тұра көлік тізгіндеген азаматқа айыппұл салынды

Арал аудандық сотында Қазақстан Республикасының ӘҚБтК-нің 612-бабының 3-бөлігімен азамат Р-ға қатысты әкімшілік құқық бұзушылық туралы іс қаралды.

Әкімшілік құқық бұзушылық туралы хаттамаға сәйкес, азамат Р. 2023 жылы сот қаулысымен ӘҚБтК-нің 608-бабының 1-бөлігімен кінәлі деп танылып, жеті жыл мерзімге көлік құралын басқару құқығынан айырылғанына қарамастан, ағымдағы жылдың 25 наурызында көлік құралын басқарған.

Сот отырысында оның құқық бұзушылық әрекеті өзінің кінәсін мойындаған түсінігімен, сондай-ақ сотта зерттелген іс құжаттарымен толық дәлелденген.

Азамат Р-ның кінәсін мойындауы және іс-әрекетіне шын жүректен өкінуі жауаптылықты жеңілдететін мән-жайлар деп танылды. Оның жауаптылығын ауырлататын мән-жайлар анықталмаған.

Сот жауаптылықты жеңілдететін мән-жайларды ескере отырып, айыппұл мөлшерін 30%-ға төмендетіп, 151 375 теңге көлемінде айыппұл жазасын тағайындады.

Арал аудандық соты

Фото: Нұрболат Нұржаубай