Жәбірленушінің жұбайымен татуласуына байланысты іс тоқтатылды

Арал аудандық сотында Қазақстан Республикасының ӘҚБтК-нің 73-бабының 1-бөлігі бойынша азаматша И-ге қатысты әкімшілік құқық бұзушылық туралы іс қаралды.

Сотта анықталғандай, азаматша И. жұбайы М-ға сыйламаушылық көрсетіп, былапыт сөйлеп, үй тыныштығын бұзып, үй заттарын бүлдіріп, отбасы-тұрмыстық қатынастардағы адамдарға сыйламаушылық көрсеткен.

Сот отырысында жәбірленуші М. азаматша И.-мен өзара татуласқанын, оған кешірім беретінін көрсетіп, істі тоқтатуды сұраған.

Сотпен іс құжаттары зерттеліп, әкiмшiлiк құқық бұзушылық жасаған тұлға мен жәбірленушінің татуласқаны ескеріліп, Қазақстан Республикасының ӘҚБтК-нің 64-бабының 1-1-бөлігі негізінде іс тоқтатылып, азаматша И. әкімшілік жауаптылықтан босатылды.

Арал аудандық соты