Премьер-министрдің бірінші орынбасары - қаржы министрі Әлихан Смайылов ЕАЭО-ға бірыңғай алтын  валюта енгізу туралы қауесетке жауап берді. Ол Қазақстан өзінің ұлттық валютасы-теңгесін сақтап қалатынына сендірді,

"ЕАЭО аясында оның мүше елдерінде бірыңғай валюта енгізу мәселесі ешқашан қарастырылмағанына сендіргім келеді. Ол ЕАЭО күн тәртібінде тұрған жоқ", - деді Әлихан Смайылов Петербург Халықаралық экономикалық форумының кулуарларында. Ол еуразиялық интеграцияның бағыттары 2014 жылғы 29 мамырдағы ЕАЭО туралы шартта белгіленгенін атап өтті.
"ЕАЭО туралы келісіммен де, басқа да негіз қалаушы құжаттармен де ЕАЭО кеңістігінде бірыңғай валюта енгізу қарастырылмайды. Ақша-кредит саясаты толығымен ұлттық органдардың қарамағында. Бірыңғай валютаны енгізу ел егемендігінің бір бөлігін жоғалтуды білдіреді. Бұған жол беруге болмайды. Қазақстан өзінің ұлттық валютасын сақтап қалады", - деді Смайылов. Ол Қазақстанның Ұлттық банкі өзінің тәуелсіз ақша-кредит саясатын жүргізуді жалғастыратынына сендірді.
Естеріңізге сала кетейік, мессенджерде Еуразиялық экономикалық одақ кеңістігінде бірыңғай валюта енгізу мүмкіндігі туралы мәлімдейтін белгісіз екі әйелден аудио хабарлама пайда болған еді. Сондай-ақ, монеталар мен ұсақ ақшаларды жақындап келе жатқан девальвацияның салдарынан алып тастайтыны айтылған.

http://stan.kz