"Ренішке толы": Жігер Ауыпбаев көзіне жас алды
"Меломен" тобы 8 жыл бірге жұмыс жасағаннан кейін Жігер Ауыпбаевты еш себепсіз топтан кетіп қалды, дінге бет бұрып кетті деп айыптаған болатын. Алайда, әлі күнге дейін бұл даудың нүктесі қойылмаған. Өткенін есіне алған Жігер Ауыпбаев мәселенің мән-жайын айтып берді. "Балалар мен топтан кеткеннен кейін, дұрыс емес ақпарат таратып жіберген болатын. Басы әдемі болып басталып, соңы осылай аяқталғанына іштей қынжыламын, өкінемін. Кезінде студент болып келіп, төртеуміз бір кемеге отырған едік. Біз бір-бірімізге тек жолдан қосылатын адамдар ғана болады, мәңгі кететін төртеуміз ғана болуымыз керек деген едік. Мен өзім армандаған топтың деңгейін көре алмадым", - дейді Жігер Ауыпбаев."Меломен" тобынан көңілі қалған өнер иесі таяқтың екі ұшы бар екенін ескеру керек еді дейді. Осылайша, жігіттермен бірге алдыға қойған мақсаттары мен армандарын есіне түсірген болуы керек, Жігер Ауыпбаев көзіне жас алды.
"Ол кездер өкінш пен ренішке толы. Аллаға шүкір қазір өкініш жоқ қой. Бәрі мен кінәлі деп айтты. Меннен де, балалардан да кінә болған шығар. Таяқтың екі ұшы бар", - дейді Жігер Ауыпбаев.
