Өнер иелері Арыс қаласы мен тұрғындарына арнап ән шығарды
Бұл туралы мәдениет және спорт министрлігінің баспасөз хатшысы Айдар қырықбаев желідегі парақшасында жазба қалдырған. Отандық жұлдыздар 24 маусым күні Арыс қаласындағы болған қару-жарақ жарылысынан зардап шеккен тұрғындарға арнап ән жазған. Туындының композиторы - Ринат Гайсин, сөзін жазған - Данияр Алдабергенов."Біз біргеміз" деп аталатын ән Нұрболат Абдуллин, Әли Оқапов, Жанар Дұлғалова, Бейбіт Құшқалиев, Маржан Арапбаева, Айри және Нұржан Керменбаевтың орындауында тыңдарман қауымға жол тартпақ. Ақпарат және қоғамдық даму министрлігі "Қазақстан" ТРК қолдауымен туындыға бейнебаян да түсірілді.
