Толқын Tolqyn.kz ақпараттық агенттігі
» » Семейлік қыз салмағы 40 келі қойды 111 рет көтеріп, жүлделі болды

Семейлік қыз салмағы 40 келі қойды 111 рет көтеріп, жүлделі болды

Семейде 18 жастағы Айым Нұржанова есімді бойжеткен өзінің нәзік иығында салмағы 40 келі болатын қойды көтеріп, көпшілікті таңғалдырды, деп жазады Stan.kzақпараттық агенттігі ҚазАқпарат-ке сілтеме жасап.

Айым Нұржанова Семейдегі Шәкәрім атындағы мемлекеттік университте «биотехнология» мамандығы бойынша білім алады. Екінші курста оқитын қыз Қазнеттің жұлдызы боламын деп мүлде ойлаған жоқ. Мұның барлығы күтпеген жерден болды. Сол кезде Айым құрбыларымен бірге «Семей Агро-2018» ауылшаруашылық тауар өндірушілерінің халықаралық көрмесіне келген болатын.
Жәрмеңке барысында ұйымдастырушылар қой көтеруден жарыс өткізілетінін хабарлап және жиналған халықтан байқауға қатысу үшін тіркелулерін сұрады. Бұны естіген Айім сәттілігін сынап көрмекші болды. Оның үстіне бойжеткен жақында ғана алтыншы сәбиін босанған анасы Салтанатқа сыйлық жасағысы келді.
«Біз үйде 5 қызбыз. Ата-анам 25 жыл бойы ұл күткен. Ақыры тілектері қабыл болып анам 27 қыркүйекте ұл бала босанды. Сондықтан қойды ұтып алып, оны қалжа ретінде анама сылағым келді. Мен қатысуға ниет білдірдім, ал құрбыларым мені қолдады », – деді Айым.
Айымның айтуынша, ол бұған дейін осындай жарыстарға мүлде қатыспаған. Алайда, Айым 15 жастан бастап жеңіл атлетикаға қызығушылық танытқан.
Жәрмеңке кезінде ұйымдастырылған байқауға 14 адам қатысты. Жиналған халық өз кезегінде, ерлермен бәсекеге түсетін Айымға қолдау көрсетті. 22 минутта Айым салмағы 40 келі болатын қойды 111 рет көтеріп, екінші орын алды. Ал, бірінші орынды қойды 185 рет көтерген Марат Оразбаев есімді жігіт алса, үшінші орынды 170 рет көтерген Әлихан Арғынбек иеленді.
«Мен қыз бала болғандықтан маған екінші орынды берді. Жүлдені ұтып алғаннан кейін бірден ата-анама хабарластым. Олар таңғалып, менің денсаулығыма алаңдады. Кейінірек олар қуаныштарын білдіріп, құттықтады », – дейді Айым Нұржанова.
Stan.kz

08 қазан 2018 ж. 903 0