Қарыз сомасын өндіру туралы талап оңайлатылған іс жүргізу тәртібімен қаралды

Арал аудандық сотында талап қоюшы Т-ның жауапкер Н-дан 1 278 250 теңге қарыз соммасын өндіру туралы азаматтық ісі қаралды.
АПК-нің 145-бабының 1-бөлігінің 2)тармақшасына сәйкес, сот істі оңайлатылған (жазбаша) іс жүргізу тәртібімен қарады.

Іс құжаттарына сәйкес, жауапкер Н. талап қоюшыдан 12.05.2017 жылы 1 278 250 теңге қарызға ақша алып, уағдаласқан уақытта қайтаратын болып міндеттенген, алайда жауапкер бұл міндеттемені орындамаған.

Қазақстан Республикасының АК-нің 272 бабына сәйкес, мiндеттеме - мiндеттеме шарттары мен заң талаптарына сәйкес тиiсiнше орындалуға тиiс, ал мұндай шарттар мен талаптар болмаған жағдайда - iскерлiк қызмет өрiсiндегi әдеттегi құқықтарға немесе әдетте қойылатын өзге де талаптарға сәйкес орындалуға тиiс.

Сот іс құжаттарын және тараптардың түсініктерін зерттеп, жауапкерден қарыз соммасын өндіру туралы талапты қанағаттандырды.

Арал аудандық сотының

баспасөз қызметі