Қызылорда облысында келін енесінің үстінен сотқа арызданған
Қызылорда облысында келін енесінің үстінен сотқа арызданған, - деп хабарлайды Massaget.kz тілшісі.Қазалы аудандық сотында Ұ.-ға қатысты Қазақстан Республикасының ӘҚБтК-нің 73-бабының 1-бөлігімен әкімшілік құқықбұзушылық туралы іс қаралды.
"Сотта Ұ. келіні А.-ға былапыт сөздер айтып, үй тыныштығын бұзғаны анықталған. Сотта жәбірленуші А. енесі тарапынан ауыр сөздерді көтере алмай, арыз түсіргенін көрсетіп, оған жаза қолдануды сұраған", - деп жазылған хабарламада.
Ұ.-ның әрекеті сотта зерттелген іс құжаттарымен толық дәлелденген.
Қазалы аудандық сотының қаулысымен Ұ. ӘҚБтК-нің 73-бабының 1-бөлігімен кінәлі деп танылып, оған ескерту түрінде әкімшілік жаза қолданылған.
Фото: Нұрболат Нұржаубай
