Президент мемлекеттік хатшының өкілеттігін кеңейтті
Мемлекеттік хатшы саяси партиялармен қарым-қатынаста президенттің атынан өкілдік етеді.Қазақстан президенті Қасым-Жомарт Тоқаев Мемлекеттік хатшының мәртебесі мен өкілеттіктері туралы жарлыққа өзгеріс енгізді.
Президент жарлығымен мемлекеттік хатшының бұрынғы функцияларына жаңа өкілеттіктер қосылды.
Енді мемлекеттік хатшы Қазақстан президентіне ішкі саясат саласы бойынша стратегиялық ұсыныстар әзірлейді.
Мемлекет басшысының тапсырмасымен парламент және оның палаталарымен, басқа да мемлекеттік органдармен, саяси партиялармен және қоғамдық бірлестіктермен қарым-қатынаста, сондай-ақ халықаралық қарым-қатынаста президенттің атынан өкілдік етеді.
Президент жанындағы Қазақстанның стратегиялық зерттеулер институтының қызметіне жетекшілік етеді.
Бұған қоса "Тәуелсіздік ұрпақтары" грантын тағайындау жөніндегі жұмысты үйлестіреді.
sputnik.kz
