Қызылордалық жас спортшы дүниежүзілік шахмат олимпиадасынан жүлдемен оралды

 kyzylorda-news.kz. Қызылордалық жас шахматшы Назерке Нұрғали Түркияның Чорум қаласында өткен 16 жасқа дейін жасөспірімдер арасында дүниежүзілік шахмат олимпиадасынан олжалы оралды.Жас шахматшы бəсекеде қыздар және ұлдар арасында да сынға түсті. Нәтижесінде қыздар арасында күміс, ұлдар арасында қола жүлде жеңіп алды. Швейцар жүйесі бойынша өткізілген жарыста Назерке 8 ойыннан 6,5 ұпай жинады.
Назерке Нұрғали енді Павлодарда өтетін халықаралық турнирге облыс құрама командасымен бірге қатысады. Бұл турнир 17 қараша – 1 желтоқсан аралығында өткізіледі.
Айта кетейік, жас шахматшы дүниежүзілік олимпиадаға алғаш рет қатысқанына қарамастан толайым табысқа кенеліп отыр.