Қазақстандық боксшы Арман Рысбек қарсыласын бір минутта нокаутқа түсірді

Екінші орташа салмақта өнер көрсетіп жүрген қазақстандық боксшы Арман Рысбек кәсіби рингте үшінші жеңісіне жетті, деп хабарлайды Baq.kz ақпарат агенттігі.

Vesti.kz мəліметінше, 27 жастағы Рысбек Аргентинаның Буэнос-Айрес қаласында бокс кешінде өнер көрсетіп, жергілікті боксшы Хонатан Эзекиель Агирремен қарсыласты. Жекпе-жек бірінші раундта аяқталды. Нақтыласақ, қазақстандық боксшы жеңіске бір минутқа жуық уақытта жеткен. Ол бастапқыда аргентиналықты нокдаунға түсіріп, қарсыласын одан əрі ұрған. Осыдан кейін судья жекпе-жекті тоқтатуға мəжбүр болған.