BAQ.KZ. Токио Олимпиадасы ұйымдастыру комитетінің директоры Тосиро Муто төртжылдықтың басты бәсекесі келесі жылы да өтпей қалуы мүмкін екенін айтты.

Келер жылдың шілде айына дейін бүкіл әлем пандемияны бақылауда ұстай алады деп ешкім сеніммен айта алмайды. Сондықтан біз де сіздерге нақты жауап бере алмаймыз. Жуырда Олимпиада ойындарын бір жыл кейінге шегеруге шешім қабылдаған болатынбыз. Сол үшін де 2021 жылғы Олимпиаданы ұйымдастыруға бар күшімізді салып жатырмыз. Біз келесі жылы адамзат коронавирус кризисін жеңетініне сенгіміз келеді. Балама жоспарлар туралы ойлаудың қажеті жоқ деп есептеймін. Бар күшімізді дайындыққа және қазіргі мәселелерді шешуге жұмсауымыз қажет. Адамзат бұл індетті жеңу үшін бар білімін пайдалануы керек, – дейді Тосиро Муто.