Минскіде хоккейден 2021 жылғы әлем чемпионаты қай айда өтетіні белгілі болды
Халықаралық хоккей федерациясы Минск (Беларусь) пен Ригада (Латвия) болатын 2021 жылғы әлем чемпионатының қай айда өтетінін жариялады.Бұл туралы inform.kz «Барыс» ХК сайтына сілтеме жасап хабарлайды.
Әлемнің бас хоккей турнирі 21 мамыр мен 6 маусым аралығында өтеді. Мұндай шешім 22 маусым күні алғаш рет онлайн режимде өткен ИИХФ Конгресінде бекітілді.
Еске сала кетейік, Қазақстан құрамасының қарсыластары Б тобында Германия, Латвия, Норвегия, Канада, Финляндия, АҚШ және Италия болмақ. А тобында Ресей, Швеция, Чехия, Швейцария, Словакия, Дания, Беларусь және Ұлыбритания құрамалары ойнайды.
