Ақмарал Науатбек – XVII жазғы Паралимпиада ойындарының жеңімпазы

Пара дзюдодан 48 кг салмақ дәрежесінде (J2 санаты) белдескен Ақмарал Науатбек Париж Паралимпиадасының жеңімпазы атанды.

Отандасымыз финалда Франция өкілі Сандрина Мартинеден басым түсіп, алтын жүлдеге қол жеткізді.

Фото: Туризм және спорт министрлігі

Ақмарал Париж татамиінің жартылай финалында түркиялық Джахиде Екені, ширек финалда үндістандық Кокиланы иппонмен жеңген еді.

Фото: туризм және спорт министрлігі

Еске сала кетейік, бұған дейін пара дзюдошы Ақмарал Науатбектің Паралимпиаданың финалында бақ сынайтынын жазған едік. Сондай-ақ кеше ел қоржынына алғашқы алтын жүлде түсті. Оны пауэрлифтингтен 54 кг салмақ дәрежесінде сынға түскен Давид Дегтярев алды. Ол осымен екінші мәрте Паралимпиа ойындарының чемпионы атанып отыр.

Ақпарат көзі: syrboyi.kz
Фото: ашық дереккөз