10 жасар қазақ баласы Германияда чемпион атанды
Германияда спорттық гимнастикадан өткен халықаралық турнирде қазақстандық команда бірінші орын алды. Ал жекелей сында 10 жастағы Нұртан Идрисов чемпион атанды, деп хабарлайды ҚазАқпарат.
«Бүгін мен жеңіске жеттім. Мен елдің абыройын халықаралық жарыста көтергенім үшін өте қуаныштымын! Өзінің жеңісімді ел тәуелсіздігінің 26 жылдыға арнаймын», – деді жас спортшы Нұртан Идрисов.
Гимнасшы Нұртас Идрисов – Қазақстанның 2017 жылғы жастар чемпионатаның жеңімпазы.
Ол спорттық гимнастикамен 6 жасынан бастап айналысады.
Нұртан Идрисов мен Роман Маменов – Павлодар қаласының №4 спорт мектебінің тәрбиеленушілері. Олар ҚР аға жаттықтырушысы Виктор Порошиннен тәлім алады.
