Толқын Арал аудандық қоғамдық-саяси газет
» » Головкин – Шеремета жекпе-жегі қайда өтеді

Головкин – Шеремета жекпе-жегі қайда өтеді

Қазақстандық боксшы Геннадий Головкиннің промоутері Эдди Хирн өзінің клиенті мен польшалық Камил Шеремета арасындағы кездесу 29 ақпанда Чикагодағы Wintrust Arena кешенінде өтуі мүмкін екенін айтты, деп хабарлады baq.kz

"Біз жекпе-жекті 29 ақпанда өткіземіз деп жоспарлап отырмыз. Арена бойынша да бірнеше нұсқа бар. Чикагода өткізсек тамаша болар еді. Шеремета – польшалық боксшы, ал Чикагода оның отандастары өте көп. Сол үшін жекпе-жекті Чикагода өткізу идеясын қолдаймыз", - деді Хирн."Чикагода Головкиннің беделі өте жақсы деп ойлаймын. Ол әлем чемпиондығына міндетті үміткер Камил Шереметамен кездескісі келсе, онда Чикагоға барудың мәні бар. Нақты айта алмаймын, бірақ келіссөздер жүріп жатыр. Бізді міндеттейтін сияқты. Белбеу жеңіп алсаң, сені атағыңды қорғауға міндеттеп қояды, алайда IBF өйткен жоқ. Соған қарамастан келіссөздер болып жатыр. Шереметаның белбеуге таласқысы келетінін білеміз", - деген болатын.
Сондай-ақ, осыдан біраз күн бұрын қазақстандық боксшының промоутері қазір келіссөздер жүріп жатқанын атап өтті.Естеріңізге сала кетелік, 6 қазанда украиналық боксшы Сергей Деревянченконы төрешілер шешімімен жеңген Головкин Мексика боксшысы Сауль "Канело" Альвареспен үшінші жекпе-жегін өткізуге үмітті. Ал Альварес Геннадимен шықпайтынын мәлімдеді. Дей тұрғанмен DAZN стримингтік қызметі 13 қазанда қос боксшының арасындағы кездесудің өтетінін хабарлаған болатын.
18 қазан 2019 ж. 104 0