Толқын Арал аудандық қоғамдық-саяси газет
» » ҚОРҒАНЫС ІСТЕРІ ЖӨНІНДЕГІ БӨЛІМНІҢ ҒИМАРАТЫНДА ОРЫН АЛҒАН ӨРТ ТОЛЫҚТАЙ СӨНДІРІЛДІ

ҚОРҒАНЫС ІСТЕРІ ЖӨНІНДЕГІ БӨЛІМНІҢ ҒИМАРАТЫНДА ОРЫН АЛҒАН ӨРТ ТОЛЫҚТАЙ СӨНДІРІЛДІ

Бүгін сағат 17:47 шамасында Арал қаласы, Бақтыбай батыр көшесі № 19 мекен-жайында орналасқан Арал ауданының қорғаныс істері жөніндегі бөлімінің ғимаратында өрт оқиғасы орын алған болатын.
Оқиға орнына шұғыл әрекет ету жасағы, 2 өрт сөндіру автокөлігі және 30-дан аса жеке құрам жұмылдырылды.Жалпы өрт оқиғасы сағат 18:50 минутта оқшауланып, 19:24 минутта толықтай сөндірілді.
1986 жылы пайдалануға берілген 1 қабатты, пайдалану аумағы 340 шаршы метрді құрайтын ғимараттың, өрт салдарынан 84 шаршы метр аумағы зақымдалды.
Ғимарат ішінде сақтауға алынған құжаттарды тасымалдауға арнайы автокөліктер ұйымдастырылды.
Қазіргі таңда тиісті мамандар тарапынан өрттің шығу себебі зерттелуде. Алдын ала белгіленген мәліметтер бойынша электр желілерінің қысқа тұйықталуынан шыққандығы болжануда. Оқиға орнында зардап шеккендер жоқ.
03 қараша 2019 ж. 201 0