Сотпен жол-көлік оқиғасы салдарынан келтірілген залал сомасы өндірілді

Арал аудандық сотында талап қоюшы К-ның жауапкер Т-дан жол-көлік оқиғасы салдарынан келтірілген материалдық залалды өндіру туралы азаматтық ісі қаралды.Іс құжаттарына сәйкес, 21 сәуір 2018 жылы Арал қаласы, Әбілхайырхан көшесі бойында жауапкердің кінәсінен жол-көлік оқиғасы орын алған. Атап айтқанда, жауапкер Т. жол жүрісі қауіпсіздігін қамтамасыз етудің белгіленген қағидаларын сақтамай, талап қоюшының автокөлігіне соққан. Осының негізінде талап қоюшы К. жауапкерден автокөлікке келтірілген материалдық залалды өндіруді сұраған.
Сот шешімімен азамат К-ның талабы толық қанағаттандырылып, талап қоюшының пайдасына жауапкер Т-дан жол-көлік оқиғасы салдарынан келтірілген 227 933 теңге көлемінде материалдық залал өндірілді.
Арал аудандық сотының
баспасөз қызметі